Amazing And Wonderful Documentary About Karachi

Amazing And Wonderful Documentary About Karachi 

ﮐﺮﺍﭼﯽ ﺷﮩﺮ ﮐﯽ ﻗﺴﻤﺖ ﺑﺮﯾﺎﻧﯽ ﮐﯽ ﺍﺱ ﺩﯾﮓ ﺟﯿﺴﯽ ﮨﮯ ﺟﻮ ﺑﯿﮏ ﻭﻗﺖ ﻣﻘﺎﻣﯽ،ﺻﻮﺑﺎﺋﯽ ﺍﻭﺭﻭﻓﺎﻗﯽ ﺑﺎﻭﺭﭼﯿﻮﮞ ﺳﻤﯿﺖ ﺍﻧﻮﺍﻉ ﻭ ﺍﻗﺴﺎﻡ ﮐﮯ ﻧﯿﻢ ﻣﺎﮨﺮﯾﻦ ﻃﺒﺎﺥ ﮐﯽ ﺯﺩ ﻣﯿﮟ ﮨﮯ۔ﮐﺴﯽ ﮐﺎ ﺧﯿﺎﻝ ﮨﮯ ﮐﮧ ﺍٓﻧﭻ ﮨﻠﮑﯽ ﺭﮐﮭﯽ ﺟﺎﺋﮯ،ﮐﻮﺋﯽ ﺍٓﮒ ﻣﺰﯾﺪ ﺑﮭﮍﮐﺎﻧﮯ ﮐﺎ ﺧﻮﺍﮨﺎﮞ ﮨﮯ،ﺍﯾﮏ ﺍﭘﻨﯽ ﺑﮯ ﺍﺧﺘﯿﺎﺭﯼ ﮐﺎ ﺭﻭﻧﺎ ﺭﻭﺗﺎ ﮨﮯ ﺗﻮ ﺩﻭﺳﺮﺍ ﺍﺱ ﻟﺌﮯ ﻣﺎﺗﻢ ﮐﻨﺎﮞ ﮨﮯ ﮐﮧ ﺍﺳﮯ ﺑﮍﮮ ﮐﻔﮕﯿﺮﮐﮯ ﺑﺠﺎﺋﮯ ﭼﮭﻮﭨﯽ ﺳﯽ ﮈﻭﺋﯽ ﮐﯿﻮﮞ ﺗﮭﻤﺎ ﺩﯼ ﮔﺌﯽ ﮨﮯ۔ﺟﻦ ﻣﺎﮨﺮﯾﻦ ﮐﺎ ﺑﺲ ﻧﮩﯿﮟ ﭼﻠﺘﺎ،ﻭﮦ ﮐﻮﻧﮯ ﻣﯿﮟ ﻣﻨﮧ ﺑﺴﻮﺭ ﮐﺮ ﺑﯿﭩﮭﮯ ﮨﯿﮟ ﻣﮕﺮ ﺟﻮ ﺑﺮﯾﺎﻧﯽ ﮐﯽ ﺍﺱ ﺩﯾﮓ ﮐﮯ ﺍٓﺱ ﭘﺎﺱ ﮨﯿﮟ ﻭﮦ ﺑﮭﯽ ﻣﺤﺾ ﮔﻔﺘﺎﺭ ﮐﮯ ﻏﺎﺯﯼ ﮨﯿﮟ ﺍﻭﺭ ﺧﯿﺎﻟﯽ ﭘﻼﻭٔ ﭘﮑﺎﺗﮯ ﭼﻠﮯ ﺟﺎ ﺭﮨﮯ ﮨﯿﮟ۔ﭼﻨﺪ ﺧﺎﻧﺴﺎﻣﺎﮞ ﭨﺎﻧﮓ ﭘﺮ ﭨﺎﻧﮓ ﺭﮐﮭﮯ ﺍﺱ ﺍﻧﺘﻈﺎﺭ ﻣﯿﮟ ﺑﯿﭩﮭﮯ ﮨﯿﮟ ﮐﮧ ﺑﺮﯾﺎﻧﯽ ﺍﭼﮭﯽ ﺑﻨﮯ ﺗﻮ ﺍﺱ ﮐﺎ ﮐﺮﯾﮉﭦ ﻟﯿﺎ ﺟﺎﺋﮯ ﻭﺭﻧﮧ ﻻﺗﻌﻠﻘﯽ ﮐﺎ ﺍﻋﻼﻥ ﮐﺮﺗﮯ ﮨﻮﺋﮯ ﺩﯾﮕﺮ ﻣﺎﮨﺮﯾﻦ ﻃﺒﺎﺥ ﮐﻮ ﺍﻧﺎﮌﯼ ﺛﺎﺑﺖ ﮐﯿﺎ ﺟﺎﺋﮯ۔ﺑﺰﻋﻢ ﺧﻮﺩ ﻣﯿﺮ ﺑﮑﺎﻭﻝ ﯾﺎ ﻧﺎﻇﻢ ﻣﻄﺒﺦ ﮐﻮ ﺑﺲ ﯾﮧ ﻓﮑﺮ ﻻﺣﻖ ﺭﮨﺘﯽ ﮨﮯ ﮐﮧ ﮐﻮﺋﯽ ﺑﺎﻭﺭﭼﯽ ﺍﺱ ﮐﯽ ﻣﻨﺸﺎ ﻭﻣﺮﺿﯽ ﮐﮯ ﺑﻐﯿﺮ ﺑﺮﯾﺎﻧﯽ ﺑﻨﺎﻧﮯ ﻣﯿﮟ ﮐﺎﻣﯿﺎﺏ ﻧﮧ ﮨﻮ ﺟﺎﺋﮯ ﺑﻠﮑﮧ ﺍﺱ ﮐﯽ ﺣﯿﺜﯿﺖ ﺑﺮﻗﺮﺍﺭ ﺭﮨﮯ، ﺍﺱ ﻟﺌﮯ ﺟﺐ ﺑﮭﯽ ﮐﻮﺋﯽ ﻣﺤﻨﺖ ﮐﺶ ﻃﺒﺎﺥ ﺩﯾﮓ ﺗﯿﺎﺭ ﮐﺮﻧﮯ ﮐﮯ ﻣﺮﺍﺣﻞ ﻃﮯ ﮐﺮﺗﮯ ﮨﻮﺋﮯ ﺑﮩﺖ ﺗﯿﺰﯼ ﺳﮯ ﺍٓﮔﮯ ﺑﮍﮬﺘﺎ ﮨﮯ ﺗﻮ ﺍﺳﮯ ﮐﺴﯽ ﻧﮧ ﮐﺴﯽ ﺑﮩﺎﻧﮯ ﺭﺳﻮﺋﯽ ﺳﮯ ﺑﺎﮨﺮ ﻧﮑﺎﻝ ﺩﯾﺎ ﺟﺎﺗﺎ ﮨﮯ۔ﮐﺒﮭﯽ ﻟﻮﮔﻮﮞ ﺳﮯ ﯾﮧ ﭘﻮﭼﮭﻨﮯ ﮐﺎ ﺗﮑﻠﻒ ﺑﮭﯽ ﮐﺮﻟﯿﺎ ﺟﺎﺗﺎ ﮨﮯ ﮐﮧ ﻭﮦ ﮐﺲ ﺑﺎﻭﺭﭼﯽ ﮐﻮ ﯾﮧ ﮐﺎﻡ ﺗﻔﻮﯾﺾ ﮐﺮﻧﺎ ﭼﺎﮨﺘﮯ ﮨﯿﮟ،ﻣﮕﺮ ﻭﮦ ﻟﻮﮒ ﺟﺴﮯ ﻣﻨﺘﺨﺐ ﮐﺮﺗﮯ ﮨﯿﮟ ﺍﺱ ﮐﯿﺴﺎﺗﮫ ﭼﻨﺪ ﺍﯾﺴﮯ ﻣﺎﮨﺮﯾﻦ ﻃﺒﺎﺥ ﻧﺘﮭﯽ ﮐﺮﺩﯾﺌﮯ ﺟﺎﺗﮯ ﮨﯿﮟ ﺟﻮ ﺳﺎﻧﺠﮭﮯ ﮐﯽ ﮨﻨﮉﯾﺎ ﺑﯿﭻ ﭼﻮﺭﺍﮨﮯ ﭘﮭﻮﮌﻧﮯ ﮐﮯ ﻣﻨﺼﻮﺑﮯ ﭘﺮ ﮐﺎﻡ ﮐﺮ ﺭﮨﮯ ﮨﻮﺗﮯ ﮨﯿﮟ۔

Amazing And Wonderful News About Karachi

ﺍﮔﺮ ﮐﺮﺍﭼﯽ ﺑﺮﯾﺎﻧﯽ ﮐﺎ ﻧﺎﻡ ﺳﻦ ﮐﺮ ﺍٓﭖ ﮐﮯ ﻣﻨﮧ ﻣﯿﮟ ﭘﺎﻧﯽ ﺍٓﮔﯿﺎ ﮨﮯ ﺍﻭﺭ ﺍٓﭖ ﭘﺎﻧﯽ ﺳﮯ ﭘﮩﻠﮯ ﮨﯽ ﭘﺮﯾﺸﺎﻥ ﮨﯿﮟ ﺗﻮ ﭘﮭﺮﮐﺮﺍﭼﯽ ﮐﻮ ﺍﯾﮏ ﺍﯾﺴﯽ ﮔﮭﺴﯽ ﭘﭩﯽ ﻓﻠﻢ ﺳﻤﺠﮫ ﻟﯿﮟ ﺟﺲ ﮐﮯ ﮐﺮﺩﺍﺭ ﺗﻮ ﺑﺪﻝ ﺟﺎﺗﮯ ﮨﯿﮟ ﻣﮕﺮ ﮈﺍﺋﺮﯾﮑﭩﺮ ﮐﯽ ﻣﮩﺮﺑﺎﻧﯽ ﺳﮯ ﮈﺍﺋﯿﻼﮒ ﺍﻭﺭ ﺍﺳﮑﺮﭘﭧ ﻣﯿﮟ ﮐﻮﺋﯽ ﺭﺩ ﻭﺑﺪﻝ ﻧﮩﯿﮟ ﮨﻮﺗﺎ۔ ﺍٓﭖ ﮔﺰﺷﺘﮧ ﺑﺮﺱ ﮐﮯ ﺑﯿﺎﻧﺎﺕ ﺍُﭨﮭﺎ ﮐﺮ ﺩﯾﮑﮫ ﻟﯿﮟ،ﺍﯾﺴﮯ ﮨﯽ ﺻﻮﺭﺗﺤﺎﻝ ﮐﺎﻧﻮﭨﺲ ﻟﯿﺎ ﮔﯿﺎ،ﺳﺐ ﻧﮯ ﻣﺘﺎﺛﺮﮦ ﻋﻼﻗﻮﮞ ﮐﮯ ﺩﻭﺭﮮ ﮐﺌﮯ،ﺗﻤﺎﻡ ﺍﺩﺍﺭﻭﮞ ﮐﻮ ﻣﺘﺤﺮﮎ ﮐﯿﺎ ﮔﯿﺎ،ﺻﻮﺭﺗﺤﺎﻝ ﭘﺮ ﺍﻓﺴﻮﺱ ﮐﺎ ﺍﻇﮩﺎﺭ ﮐﺮﺗﮯ ﮨﻮﺋﮯ ﻋﻮﺍﻡ ﮐﻮ ﯾﻘﯿﻦ ﺩﻻﯾﺎ ﮔﯿﺎ ﮐﮧ ﺑﮩﺖ ﺟﻠﺪ ﭘﺎﻧﯽ ﮐﯽ ﻧﮑﺎﺳﯽ ﮐﺎ ﺑﻨﺪﻭﺑﺴﺖ ﮐﺮﻟﯿﺎ ﺟﺎﺋﮯ ﮔﺎ ﻟﯿﮑﻦ ﺑﺎﺭﺷﯿﮟ ﺧﺘﻢ ﮨﻮﺗﮯ ﮨﯽ ﺳﺐ ﺍﭘﻨﮯ ﺩﮬﻨﺪﻭﮞ ﻣﯿﮟ ﻟﮓ ﮔﺌﮯ۔ﻭﻓﺎﻗﯽ ﺣﮑﻮﻣﺖ ﮐﺎ ﺑﻐﺾ ﻭﻋﻨﺎﺩ ﺍﭘﻨﯽ ﺟﮕﮧ ﻣﮕﺮ ﯾﮧ ﻧﮕﻮﮌﯼ ﺟﻤﮩﻮﺭﯾﺖ ﺧﻄﺮﮮ ﻣﯿﮟ ﻧﮧ ﭘﮍﮮ ﺗﻮ ﻋﺮﺽ ﮐﺮﻭﮞ ﻧﺎﺍﮨﻠﯽ ﮐﮯ ﺍﺱ ﺣﻤﺎﻡ ﻣﯿﮟ ﺳﺐ ﻧﻨﮕﮯ ﮨﯿﮟ۔ﺷﮩﺮ ﮐﮯ ﻣﯿﺌﺮ ﻭﺳﯿﻢ ﺍﺧﺘﺮ ﮨﺮ ﺑﺎﺭ ﻻﭼﺎﺭﯼ ﻭ ﺑﮯ ﺑﺴﯽ ﮐﺎ ﺭﻭﻧﺎ ﺭﻭﻧﮯ ﮐﮯ ﺑﻌﺪ ﮐﺮﺳﯽ ﺳﮯ ﭼﭙﮏ ﮐﺮ ﺑﯿﭩﮫ ﺟﺎﺗﮯ ﮨﯿﮟ۔ﺟﺐ ﺍٓﭖ ﻣﯿﺌﺮ ﻣﻨﺘﺨﺐ ﮨﻮﺋﮯ ﺗﺐ ﺑﮭﯽ ﯾﮧ ﺑﺎﺕ ﮐﻮﺋﯽ ﺭﺍﺯ ﻧﮧ ﺗﮭﯽ ﮐﮧ ﺍﺱ ﺑﺎﺭ ﻧﮧ ﺗﻮ ﺗﻨﻈﯿﻤﯽ ﻗﻮﺕ ﭘﺸﺖ ﭘﺮ ﮨﻮﮔﯽ ﺍﻭﺭ ﻧﮧ ﮨﯽ ﺻﻮﺑﺎﺋﯽ ﺣﮑﻮﻣﺖ ﮐﯽ ﻃﺮﻑ ﺳﮯ ﺗﻌﺎﻭﻥ ﺩﺳﺘﯿﺎﺏ ﮨﻮ ﮔﺎ ﺗﻮ ﺍﺱ ﻋﮩﺪﮮ ﺳﮯ ﭼﭙﮑﮯ ﺭﮨﻨﮯ ﮐﮯ ﺑﺠﺎﺋﮯ ﻋﻮﺍﻡ ﮐﻮ ﺣﻘﯿﻘﺖ ﺣﺎﻝ ﺳﮯ ﺍٓﮔﺎﮦ ﮐﺮﺗﮯ ﮨﻮﺋﮯ ﻣﺴﺘﻌﻔﯽ ﮐﯿﻮﮞ ﻧﮧ ﮨﻮ ﮔﺌﮯ؟ ﺑﺎﻗﯽ ﺭﮨﯽ ﺻﻮﺑﺎﺋﯽ ﺣﮑﻮﻣﺖ ﺗﻮ ﺍﺳﮯ ﻣﺤﺾ ﯾﮩﯽ ﺷﮑﻮﮦ ﮨﮯ ﮐﮧ ﻣﯿﮉﯾﺎ ﻻﮨﻮﺭ ﻣﯿﮟ ﮨﻮﻧﮯ ﻭﺍﻟﯽ ﺑﺎﺭﺷﻮﮞ ﮐﻮ ﮐﻮﺭﯾﺞ ﮐﯿﻮﮞ ﻧﮩﯿﮟ ﺩﯾﺘﺎ ﺍﻭﺭ ﺻﺮﻑ ﮐﺮﺍﭼﯽ ﮐﮯ ﮈﻭﺏ ﺟﺎﻧﮯ ﮐﯽ ﺑﺎﺕ ﮐﯿﻮﮞ ﮐﯽ ﺟﺎﺗﯽ ﮨﮯ؟ﺍﮔﺮ ﻣﯿﮉﯾﺎ ﮐﻮ ﺳﺎﺯﺵ ﮐﺎ ﺣﺼﮧ ﻗﺮﺍﺭ ﺩﯾﻨﮯ ﺳﮯ ﺍٓﭖ ﮐﯽ ﺗﺴﻠﯽ ﮨﻮﺗﯽ ﮨﮯ ﺗﻮ ﺟﯽ ﺑﮭﺮ ﮐﺮ ﻣﻄﻌﻮﻥ ﮐﯿﺠﺌﮯ ﻟﯿﮑﻦ ﺣﻘﯿﻘﺖ ﯾﮧ ﮨﮯ ﮐﮧ ﻻﮨﻮﺭ ﻣﯿﮟ ﮐﺌﯽ ﮔﻨﺎ ﺯﯾﺎﺩﮦ ﺑﺎﺭﺷﯿﮟ ﮨﻮﻧﮯ ﮐﮯ ﺑﺎﻭﺟﻮﺩ ﮐﺒﮭﯽ ﺍﺱ ﻃﺮﺡ ﮐﯽ ﺻﻮﺭﺗﺤﺎﻝ ﭘﯿﺪﺍ ﻧﮩﯿﮟ ﮨﻮﺋﯽ۔ﺍﮔﺮﭼﮧ ﻻﮨﻮﺭ ﮐﯽ ﺍﻧﺘﻈﺎﻣﯿﮧ ﻧﮯ ﺍﺱ ﺑﺎﺭ ﭘﮩﻠﮯ ﺟﯿﺴﯽ ﻣﺴﺘﻌﺪﯼ ﻧﮩﯿﮟ ﺩﮐﮭﺎﺋﯽ ﻟﯿﮑﻦ ﮐﻮﺋﯽ ﺍﯾﺴﺎ ﻋﻼﻗﮧ ﻧﮩﯿﮟ ﺟﮩﺎﮞ ﺑﺎﺭﺵ ﮨﻮﻧﮯ ﮐﮯ ﺑﻌﺪ ﮐﺌﯽ ﺩﻥ ﺗﮏ ﭘﺎﻧﯽ ﮐﮭﮍﺍ ﺭﮨﺎ ﮨﻮ۔

ﯾﺎﺩ ﺵ ﺑﺨﯿﺮ ﺟﺐ ﺳﻤﻨﺪﺭﯼ ﻃﻮﻓﺎﻥ ﻧﯿﻠﻮﻓﺮ ﮐﺮﺍﭼﯽ ﮐﮯ ﺳﺎﺣﻞ ﺳﮯ ﭼﻨﺪ ﺳﻮ ﮐﻠﻮﻣﯿﭩﺮ ﺩﻭﺭ ﺩﮬﺎﮌﺗﺎ ﭼﻼ ﺍٓﺭﮨﺎ ﺗﮭﺎ ﺍﻭﺭ ﺳﺐ ﻟﻮﮒ ﺍﺱ ﻃﻮﻓﺎﻥ ﺑﻼ ﺧﯿﺰ ﺳﮯ ﺑﭽﺎﻭٔ ﮐﯽ ﺗﺪﺍﺑﯿﺮ ﮐﺮﻧﮯ ﭘﺮ ﺍﺻﺮﺍﺭ ﮐﺮ ﺭﮨﮯ ﺗﮭﮯ ﺗﻮ ﺳﻨﺪﮪ ﺍﺳﻤﺒﻠﯽ ﮐﮯ ﺍﺳﭙﯿﮑﺮ ﺍٓﻏﺎ ﺳﺮﺍﺝ ﺩﺭﺍﻧﯽ ﻧﮯ ﭘﮩﻠﮯ ﺗﻮ ﯾﮧ ﮐﮩﮧ ﮐﺮ ﺑﺎﺕ ﮨﻨﺴﯽ ﻣﯿﮟ ﭨﺎﻝ ﺩﯼ ﮐﮧ ﯾﮧ ﺗﻮ ﮐﺴﯽ ﺧﺎﺗﻮﻥ ﮐﺎ ﻧﺎﻡ ﮨﮯ۔ﺟﺐ ﺍﺱ ﺣﻮﺍﻟﮯ ﺳﮯ ﺍﻗﺪﺍﻣﺎﺕ ﮐﺮﻧﮯ ﭘﺮ ﺯﻭﺭ ﺩﯾﺎ ﮔﯿﺎ ﺗﻮ ﺍٓﻏﺎ ﺳﺮﺍﺝ ﺩﺭﺍﻧﯽ ﻧﮯ ﻓﻠﻮﺭﺍٓﻑ ﺩﯼ ﮨﺎﻭٔﺱ ﭘﺮ ﮐﮩﺎ ﮐﮧ ﺟﺐ ﺗﮏ ﺳﻤﻨﺪﺭ ﮐﻨﺎﺭﮮ ﻋﺒﺪﺍﻟﻠﮧ ﺷﺎﮦ ﻏﺎﺯﯼ ﮐﺎ ﻣﺰﺍﺭ ﻣﻮﺟﻮﺩ ﮨﮯ ﮐﺮﺍﭼﯽ ﮐﻮ ﮐﭽﮫ ﻧﮩﯿﮟ ﮨﻮ ﺳﮑﺘﺎ۔ﺗﮑﻠﻒ ﺑﺮﻃﺮﻑ،ﺍﮔﺮ ﯾﮧ ﺳﺐ ﮐﭽﮫ ﺑﺎﺑﺎ ﻋﺒﺪﺍﻟﻠﮧ ﺷﺎﮦ ﻏﺎﺯﯼ ﻧﮯ ﮨﯽ ﮐﺮﻧﺎ ﮨﮯ ﺗﻮ ﭘﮭﺮ ﻣﻘﺎﻣﯽ،ﺻﻮﺑﺎﺋﯽ ﺍﻭﺭ ﻭﻓﺎﻗﯽ ﺣﮑﻮﻣﺘﻮﮞ ﮐﯽ ﮐﯿﺎ ﺿﺮﻭﺭﺕ ﮨﮯ؟ﮐﺮﺍﭼﯽ ﻭﺍﭨﺮ ﺑﻮﺭﮈ ﺍﻭﺭ ﺍﺱ ﺟﯿﺴﮯ ﺩﯾﮕﺮ ﺍﺩﺍﺭﻭﮞ ﻣﯿﮟ ﺑﮭﺮﺗﯽ ﮐﯽ ﮔﺌﯽ ﻓﻮﺝ ﻇﻔﺮ ﻣﻮﺝ ﮐﺲ ﮐﺎﻡ ﮐﯽ؟ﮐﺮﺍﭼﯽ ﮐﻮ ﺑﺎﺑﺎ ﻧﻌﻤﺖ ﺍﻟﻠﮧ ﺧﺎﻥ ﮐﯽ ﺻﻮﺭﺕ ﻣﯿﮟ ﺍﯾﮏ ﻗﺎﺑﻞ،ﻣﺤﻨﺘﯽ ﺍﻭﺭ ﺍﯾﻤﺎﻧﺪﺍﺭ ﻣﯿﺌﺮ ﻣﯿﺴﺮ ﺍٓﯾﺎ ﺗﮭﺎ ﺟﺲ ﮐﯽ ﺗﻌﺮﯾﻒ ﺍﺱ ﮐﮯ ﺳﯿﺎﺳﯽ ﻣﺨﺎﻟﻔﯿﻦ ﺑﮭﯽ ﮐﯿﺎ ﮐﺮﺗﮯ ﺗﮭﮯ ﻣﮕﺮ ﻧﺎﻇﻢ ﻣﻄﺒﺦ ﮐﻮ ﯾﮧ ﺑﺎﺕ ﮔﻮﺍﺭﮦ ﻧﮧ ﺗﮭﯽ ﮐﮧ ﺍﺱ ﮐﯽ ﭘﺸﺖ ﭘﻨﺎﮨﯽ ﺍﻭﺭ ﺍﺷﯿﺮ ﺑﺎﺩ ﮐﮯ ﺑﻐﯿﺮ ﮐﻮﺋﯽ ﻃﺒﺎﺥ ﯾﮧ ﮐﺎﻡ ﮐﺮ ﮔﺰﺭ ﮮ ﺍﺱ ﻟﺌﮯ ﺍﯾﻢ ﮐﯿﻮ ﺍﯾﻢ ﮐﯽ ﺻﻮﺭﺕ ﻣﯿﮟ ﻧﺌﮯ ﺑﺎﻭﺭﭼﯿﻮﮞ ﮐﯽ ﻓﻮﺝ ﺑﮭﺮﺗﯽ ﮐﯽ ﮔﺌﯽ۔ﺟﺐ ﯾﮧ ﺧﺎﻧﺴﺎﻣﺎﮞ ﺑﮭﯽ ﻣﻦ ﻣﺎﻧﯿﺎﮞ ﮐﺮﻧﮯ ﻟﮕﮯ ﺗﻮ ﺍﻧﮩﯿﮟ ﺭﺳﻮﺋﯽ ﺳﮯ ﻧﮑﺎﻝ ﺩﯾﺎ ﮔﯿﺎ ﻣﮕﺮ ﺍﺱ ﺩﻭﺭﺍﻥ ﺑﮭﮕﺪﮌﺳﮯ ﺟﻮ ﻧﻘﺼﺎﻥ ﮨﻮﺍ،ﺍﺱ ﮐﺎ ﺍﺯﺍﻟﮧ ﻧﮧ ﮐﯿﺎ ﮔﯿﺎ۔ﺍﺏ ﺑﮭﯽ ﻭﻗﺖ ﮨﮯ ﮐﮧ ﻭﻓﺎﻗﯽ ﺑﺎﻭﺭﭼﯽ ﻭﺍﭘﺲ ﺑﻠﻮﺍﻟﺌﮯ ﺟﺎﺋﯿﮟ،ﻣﻘﺎﻣﯽ ﺍﻭﺭ ﺻﻮﺑﺎﺋﯽ ﻣﺎﮨﺮﯾﻦ ﻃﺒﺎﺥ ﮐﻮ ﮐﺎﻡ ﮐﺮﻧﮯ ﺩﯾﺎ ﺟﺎﺋﮯ۔ﻣﻤﮑﻦ ﮨﮯ ﭘﮩﻠﯽ ﮐﻮﺷﺶ ﻣﯿﮟ ﺑﺮﯾﺎﻧﯽ ﮐﮯ ﺑﺠﺎﺋﮯ ﺑﮭﺎﺕ ﺑﻦ ﺟﺎﺋﮯ ﺑﺎﺕ ﺍﺳﯽ ﻃﺮﺡ ﺑﻨﮯ ﮔﯽ ﻭﺭﻧﮧ ﺑﯿﺎﻧﺎﺕ ﮐﮯ ﮐﻔﮕﯿﺮ ﮨﻼﺗﮯ ﺭﮨﯿﮟ ﺍﻭﺭﺧﯿﺎﻟﯽ ﭘﻼﻭٔ ﭘﮑﺎﺗﮯ ﺭﮨﯿﮟ۔